Хотол сүлжээнд эх хэлтэйгээ

Энэхэн дэлхийн хаана ч эх хэлээрээ ойлголцох цаг энүүхэнд гэж итгэж найдаж явдаг нэгний хувьд хотол сүлжээн дэх алив бүхнийг эх хэлээр уншихыг хичээдэг юм.

Өнөө цагийн хотол сүлжээ цагийн жамыг дагж хөгжсөөр ухаажсаар байна. Энэ их ухаалаг, өөрөө тооцоолдог цахим ертөнцөд бидний мэдэхгүй, тооцоолоогүй, бүр санаанд ч оромгүй тоо тоймгүй өч төчнөөд тооцоо, судалгаа хийгдсээр байгааг тэр бүр анзааралгүй, анзаарсан ч тоолгүй өнгөрөөсөөр байгаа нь байх л зүйл байх л ёстой мэт хүлээн авдаг болсон байна. Тэр их тооцоо судалгаа бидний амьдрал ямар их нөлөөлж ямар их тус дэм бас хар гай болохыг хэн ч таамаглахгүй нь харамсалтай. 

Дэлхийн 7000 гаруй хэлнээс тал нь утаж үгүй болох аюулд өртөөд байгааг Wikipedia онцолсон байна.

Тэгвэл эх сайхан хэлээ энэ аюулд өртүүлэлгүй эсэн мэнд үлдээхийн тулд Монгол хүн нэг бүрийн чармайлт хэрэгтэй.
Дэлхий даяар хотол сүлжээ хэрэглэгчдийн хамгийн их хандалттай цахим хуудсаар Google.com мөн Google-ийн нэгэн гэр бүл болох Youtube.com тэргүүлсээр л байна. Харин манай улсад өөр байна уу гэвэл үгүй. Хамгийн их хандалттай цахим хуудсын жагсаалтыг мөнөөх л Google, Youtube хоёр тэргүүлсэн байгаа юм.

Дээрх жагсаалт нэгийг өгүүлнэ. Энэ хоёр цахим хуудас яагаад дэлхийд, улс орон бүрд тэргүүлээд байна вэ? гэдэг асуулт урган гарнаа. Миний хувьд дараах шалтгаануудыг нэрлэж болж байна.

1. Хүн бүр эх хэлээрээ уншиж болдог. Хэрэглэгч өөрөө л өөрөөр тохируулаагүй бол ямар улсаас хандаж байгааг нь тооцоолон тухайн улсын хэлээр харуулна.
2. Хайлтын тооцоолол нь маш ухаантай. Таныг хэн болохыг, та юу сонирхдогийг, бас таныг хаана байгааг мэддэг. Тиймдээ ч танд одоо яг юу хэрэгтэй байгааг сайн гэгч нь тооцоолдог.

Google-д бас орчуулгын багц байдаг. Түүнд нь бас орон орны хэл байгааг нь тухайн хэлтэн хэн ч бай хувь нэмэрээ оруулж хөгжүүлж болдог. Манай хэлний өгүүлбэрийн бүтэц Англи хэлний өгүүлбэрийн бүтцээс өөр учираас тооцоолуурын орчуулга муу болдог гэж хүн бүхэн боддог. Гэвч тийм биш. Хэрхэн зөв оруулах ёстойг нь заагаад өгчихвөл өнөөгийн тооцоолуурууд ухаантай болсон гэдгийг мартаж болохгүй шүү. Хэрхэн зааж хэрхэн өөрийн хувь нэмэрээ оруулах вэ? Яаж вэ? Тун ч амархан. 

Эхний алхам 

• https://translate.google.mn/ хаягт нэвтэрнэ.

Удаах алхам

• Орчуулах өгүүлбэрээ оруулна. Оруулана гэдэгт бичих, ярих, зурах, хуулах гэсэн сонголтууд байдаг.

Дараагийн алхам

• Хувь нэмэрээ оруулах. 
• Дээрх зурагт улаанаар тодруулсан харандааны зураг дээр дарна.
• Засвар оруулж дуссаны дараа

• Оролцох гэсэн дээр дарна.

Энэ арга бол таны хэрэгцээ шаардлага гарсан тухайн үед тулгарсан алдааг засах сайжруулах оролцоо юм. Харин таны цаг зав гарч хотол сүлжээн дэх эх хэлнийхээ хөгжилд нэмэр хандив болох боломж тохиосон бол дараах аргаар оролцоно.

Эхний алхам

эсвэл https://translate.google.mn/community хаягийг хаягийн мөрөн дээр бичиж эсвэл хуулж тавиад ороход л хангалттай.

Төгсгөлд нь хотол сүлжээн дэх аливаа цахим хуудсыг эх хэл дээрээ унших арга зааж өгье.

Эхний алхам. 

Хавчуурга үүсгэх ийн тулд зураг дээрх шарлуулсан таван хошуун дээр дарна.

Дараагийн алхам.

Зураг дээрх ногооруулсан Edit товчин дээр дарна.

Сүүлийн алхам.

 Зурагт үзүүлсэн Нэр (Name) хэсэгт Харагдах нэр оруулна. Жишээлбэл: "Монгол хэлээр орчуулах" гэж нэрлэж болох юм.
Цахим хуудасны хаяг (URL) хэсэгт дараах кодыг хуулж тавина.

javascript:var t=((window.getSelection&&window.getSelection())||(document.getSelection&&document.getSelection())||(document.selection&&document.selection.createRange&&document.selection.createRange().text));var e=(document.charset||document.characterSet);if(t!=''){location.href='http://translate.google.com/?text='+t+'&hl=mn&langpair=auto|mn&tbb=1&ie='+e;}else{location.href='http://translate.google.com/translate?u='+encodeURIComponent(location.href)+'&hl=mn&langpair=auto|mn&tbb=1&ie='+e;};

Дээрх үйлдлийг хийж дуусан бол Хадгалах (Save) товчин дээр дараад хадгалана. Ингээд л боллоо. Одоо та бүхэн минь хүссэн мэдээллээ эх хэлээрээ унших боломжтой боллоо.